شاطر | 
 

 طريقة رائعة في صنع المحاجب + شرح لعجينة الكيس المبلل

اذهب الى الأسفل 
كاتب الموضوعرسالة
moufdi
Admin
Admin
avatar

الجزائر
firefox
ذكر
عدد المساهمات : 12415
تاريخ التسجيل : 17/03/2009
العمر : 27

مُساهمةموضوع: طريقة رائعة في صنع المحاجب + شرح لعجينة الكيس المبلل   2014-11-11, 11:17

المعروف ان حبة المحاجب متقدريش تتحكمي فيها اكثر او تشكليها بحرية والسبب الحشو الي بداخلها لان العجينة ادا تشمخت تنثقب ليك والحشو يصبح في خبر كان والحبة تجيك مستطيلة مثلثة لكن مربعة مستحيل واحيانا تحشمي تقدميها بسبب شكلها لعوج
المهم حبيبتي اليوم نقدملك هاد الحل ونتمنى يساعدك تابعي معايا

قبل كل شيء كنت حطيت لكن طريقة الكيس المبلل الدي نعتمد عليه في كل المعجنات وبعض الاخوات ما فهموهش اليوم صورت لكن بطريقة اوضح
تابعي اختي
حطي في قصعة سميد رقيق مع شوية فرينة وملح وماء دافيء

اعجني بيدك حتى تتلم مع اضافة الماء تدريجيا حتى تصبح هكدا

الاخوات الي سالوني عن الكيس وكيفية تبليله هو كيس عادي

وهنا تابعي كيفاش نشمخوه نغطسوه كامل في صحن به ماء فاتر

ومباشرة وهو يقطر نديرو فيه العجينة

ونغلقه مليح

هاهو كيفاش يصبح

نقلعو الكيس ونعجن من جديد يعني نلقاو العجينة مبللة ندخلو ليها هاداك الماء

ونرجعو نديروها في الكيس لكن المرة هادي نعصرو الكيس

وشوفيها كي تولي من غير دلك وتعب

نقطعوهم كويرات صغيرة وكويرات كبيرة
ولكل كرة كبيرة كرتين صغيرتين
يعني 10 كريات كبيرة= 20 كرة صغيرة
بالصور


الكرات الصغيرة نحلها ونخدمها رقاق او تريد هاهو

نبدو الان تحضير المحاجب
انا استعملت حشوة البصل الطاطم المصبرة الزيتون مقطع الجبن فلفل اسود وملح
البصل قطعته في الربو يجي رقيق احسن

كي طاب زدت عليه الزيتون والطماطم

في الاخير درت الجبن

نفتح كرة عجينة بالزيت نحط فوقها ورقة تريد او رقاق ونحط الحشو

نحط ورقة اخرى من الفوق

نغلقها بهدا الشكل




نحطها في الطاجين كيما راكي تشوفي اختي تصبح ساهلة تتحكمي فيها والحبة تجي كبيرة


كي تنشف من الفوق اقلبيها

وها هي الحبات جاهزة

وسهلة باش تطويها كيما تحبي


وتجي مورقة من الداخل




ربما طولت في الشرح لكن في الواقع هي سهلة وخاصة ادا حضري الرقاق من قبل
صحة وعافية عليكن
الرجوع الى أعلى الصفحة اذهب الى الأسفل
https://www.amaltilimsan.net
 
طريقة رائعة في صنع المحاجب + شرح لعجينة الكيس المبلل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أمل تلمسان :: قضايا حواء :: الطبخ-
انتقل الى: